Supper Moment "一直相信" 演唱會完滿結束

2021.06.28

Supper Moment 一連兩場〈Supper Moment 一直相信演唱會〉較早前於九展展開，全場爆滿，反應熱烈。這次演唱會，Supper選擇了少說話，以歌會友，每一part歌單之中，都藏了他們的心聲，不過最終4子 還是敵不過被台下歌迷感動，Sunny唱著幸福之歌，眼淚泉湧而下，其餘三位成員也眼濕濕，台上台下哭成一遍，場面感人。

演唱會開始，Supper用一個全黑無燈狀態下，Sunny躲在無人得見的角落，清唱《風箏》一段作序幕 : 「再抱擁多次　再挽手多次,  再可不可以回到輕吻嘴邊相約點.....」歌聲動人得讓人毛管直豎。接著大燈亮起，四子就位，唱出《同一》, 意外地全場觀眾一聽音樂響起，即起身站立和唱支持，場面非常動人，歌迷那一種不離不棄的力撐，台上四子當然動容，感動萬分，而觀眾舉動也令到傍邊不少工作人員看到場面也感動到眼濕濕。
《 同一》之後一口氣不停唱出《靈感床》及 《點滴》，然後sunny開口跟大家打招呼 : 「多謝大家今晚選擇咗嚟呢度！從新介紹返！我地係Supper Moment !!!繼而再撕聲力歇連喊三次，我地係Supper Moment ！」全場掌聲歡呼聲雷動，觀眾由始至終沒有坐低過，一直站立拍掌與他們 一同和唱, 「好掛住你地！」「愛能死你」「Supper 加油」「撐你」的叫聲始起彼落。

踏入十五週年，Supper選擇用歌單去講心聲，用《Supper Moment 》、《飛》寓意他們於音樂旅程上起行，繼而用《258km/h》及《CCXXXV》去表達他們對當下的迷惘。當《258km/h》音樂響起，台上supper 用力唱著「蒙住眼球不需作推敲，萬物被霧埋住、城內每樣都張貼標籤........」大營幕上大膽出現「EXTREME」「 BULLY」「 SHALLOW」 「IRONIC」「 TRAITOR」等字眼，《CCXXXV》不停血紅打出「why 」的畫面，觀眾從歌聲中，也聽到那份大家對現今世界的迷惘，尋不到出路，被受各種委屈欺凌的痛。演唱會進入part2，第一首歌就選了《全世界暫停》一口氣唱出《浪人》《自由人》《終於不回來》《橙海》等歌，看著歌迷一直站立用揮手，揮動Supper字樣毛巾，隔著口罩大力和唱來回應，Sunny忍不住話，「雖然隔住個口罩，我都感受到你地個笑容。」唱到《尋回一碗湯》時，Sunny已被歌迷感動得眼框紅紅、強忍淚水，歌畢終於坐下來開口:「好耐冇見！ 你地狂叫我喺會鐘意聽，喺到非常多謝大家支持....我知道！唔容易！」觀眾馬上掌聲狂響大叫「撐你」！接著Sunny已經忍不到開始閃著淚光: 「唱到《尋回一碗湯》，我諗起好多嘢，諗起我老婆，諗緊呢隊 band 行咗十五年， 呢十五年喺你地覺得失意時，我地嘅音樂無意間支持咗大家..... 數下數下好長時間，原來你支持對我地來講，同樣重要。呢兩年疫情大家靜左落嚟，先知原來幾掛住呢種感覺、掛住喺台上感覺..好掛住你o地！」觀眾就回應，「我地都好掛住你o地呀！」而CK阿雞及阿達，同時在台上亦出現眼濕濕鼻紅紅，Sunny ,「我希望我地透過音樂、信念，繼續將喺香港做o既事，繼續發展出去！有d人可能覺得唔係好o岩....但我地係會繼續....多謝你o地十五年來一直支持。」接著唱出「是你令我再次心跳」，歌迷即起哄不停大叫「我愛你！」「Supper 努力！撐你！」唱到《幸福之歌》時  Sunny終於崩堤，被淚水沉沒，邊抹淚邊喊著唱，而台下不少歌迷都被打動得跟著他一同落淚，場面感人。

一直被欺凌曲解，曾有網上惡意留言嘲諷Supper重敢唔敢唱「無盡」，Supper 在part 4先選了周國賢的《時空》告訴大家: 「這一天看那一天崎嶇，才對得起當天那個小孩，無負那個小孩，曾為信仰出發不理反對....」繼而唱出名曲《無盡》，坦蕩蕩告訴大家，「無盡的音樂夢想， 於漆黑裡仍然鏗鏘」，歌迷隨即開動手機燈一同大合唱，場面震憾感人。《無盡》 之後，Supper 用《沙燕之歌》告訴大家，「願你知每日每夜為何戰闘」、他們一直都是「為了擁抱難以成真的音樂美夢」，就算被嘲笑幼稚，Supper也膽敢反問，「 你話這是幼稚請幼稚試一試。」

來到安歌環節，Supper 選了《世界變了樣》始，畫面看到一個下雨的香港，隨著歌聲，香港街景鏡頭前仍下著雨，後面天空卻在雨中放煙花，有著非常強烈的對照，讓每位聽者很是傷感。歌畢，Sunny話，「其實可以開番燈 ，我想見到大家。其實準備o左一首新歌今晚玩， 呢首歌代表呢一陣子o既自己？好想好想喺到送俾大家o既一首歌，有時諗返 十五年時間，經歷好多低潮、 高潮.....學識喺低潮時侯靜落o黎，去搵返自己。呢幾年所有o既香港人，我希望透過呢首歌大家一齊去搵番自己，搵番一個善良o既自己。」語畢，全場掌聲雷動。Sunny 又話，「我地幾個亦會好努力咁搵番自己！我地喺會繼續好開心，好努力去做音樂，我地o既音樂希望帶比你地力量，帶比你地開心，好似今晚一樣。呢首歌，好驚，好大壓力，因為要彈琴.....新歌叫 : 我的形狀, 雖然係一首國語歌，但我喺好真心認真寫o既一首歌。」

演唱會來到最後，Supper向所有支持他們的主辦單位及台前幕後致謝，阿達更特別用國語「謝謝」來多謝台灣JVR的楊峻榮先生，他們往台灣發展，榮哥幫了他們很多。他又代表多謝寶輝娛樂Simon, 這幾年來帶他們走遍世界各地很多地方，本來計劃今年去歐洲演出，可是疫情關係去不到，期待將來，他們可以音樂，代表香港走遍世界各地。